ខេត្តមណ្ឌលគិរី ៖ ដោយអនុវត្តនូវអនុសាសន៍ដ៏ខ្ពង់ខ្ពស់ពី ឯក​ឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នារសៀល ថ្ងៃចន្ទ ១៥កើត ខែ​មាឃ ឆ្នាំម្សាញ់ សប្តស័ក ព.ស ២៥៦៩ ត្រូវនឹង ថ្ងៃ​ទី២ ខែកុម្ភៈ ឆ្នាំ២០​២៦ គណៈ​ប្រតិភូ នៃស្នងការដ្ឋាននគរបាលខេត្ត​មណ្ឌ​លគិរីអញ្ជើញជួបសំណេះ​សំ​ណាល​សួរ​សុខ​ទុក្ខ និងជូនពរឆ្នាំថ្មីប្រពៃណីជនជាតិ-វៀត​ណាម ដែលនិងខិតជិតមកដល់នាប៉ុន្មានថ្ងៃ​ខាង​មុខនេះ។

គណៈ​ប្រតិភូ នៃស្នងការដ្ឋាននគរបាលខេត្ត​មណ្ឌ​លគិរី ដឹកនាំដោយលោក ឧត្តមសេនីយ៍ត្រី អ៊ន ប៊ុន្នីរិទ្ធិ ស្នង​ការរងទទួលផែនការងារសន្តិ​សុខ តំណាងដ៏ខ្ពង់​ខ្ពស់លោក ឧត្តមសេនីយ៍ទោ ឡោ សុខា ស្នង​ការនគរបាលខេត្ត ខណៈដែលភាគីវៀតណាមដឹកនាំដោយ លោកវរសេនី​យ៍ឯក វីញ ង៉ុកលៀម ស្នងការរងនគរបាលខេត្តឡឹមដុង ប្រធានប្រតិភូព្រមទាំងប្រតិភូអម​ដំណើរ។​

ក្នុងឱកាសនៃពិធីជួបសំ​ណេះសំណាលនិងសួរសុខទុក្ខនៃថ្ងៃបុណ្យចូល​ឆ្នាំថ្មីប្រពៃណីជាតិវៀតណាមលោកឧត្តមសេនីយ៍ត្រី ស្នងការរងនគរបាលខេត្តមណ្ឌលគិរី ព្រមទាំងលោក លោកស្នងការរង និងមន្ត្រីក្រោមឱវាទក៏​បានធ្វើការជូនពរទៅដល់ថ្នាក់ដឹកនាំវៀតណាមព្រម​ទាំងកងកម្លាំងនៃស្នងការដ្ឋាននគរបាលខេត្តឡាំដុងនិង មន្ត្រីក្រោមឱវាទនិងក្រុមគ្រួសារក្នុងឱកា​ស​ថ្ងៃបុណ្យប្រពៃណីជាតិវៀតណាម ដែលនិងខិត​ចូលមកដល់នាប៉ុន្មានថ្ងៃខាងមុខនេះសូមទទួលបាននូវ សេចក្តីសុខ សេចកី្តចម្រើន និងទទួលបានជោគជ័យគ្រប់ភារកិច្ច ដែលថ្នាក់ដឹក​នាំ គ្រប់លំដាប់ថ្នាក់បានប្រគល់ជូន និងសូមឱ្យចំណង​សាមគ្គីភាពមិត្តភាព និងកិច្ចសហ​ប្រតិ​បត្តិការរវាង ប្រ​ទេសយើងទាំងពីរ ស្ថិតស្ថេរចីរកាល។ ក្នុងឱកាសនោះផងដែរគណ: ប្រតិភូនៃអង្គភាពនៃប្រទសទាំងពីរក៏​បានជូនកាដូរអនុស្សាវរីយ៍ប្រកបទៅដោយភាព​ស្និទ្ធ​ស្នាលជាទីបំផុត៕